Na páxina oficial do programa educativo Móllate, posto en marcha pola Concellería de Medioambiente do Concello de A Coruña, describen a actividade do seguinte xeito:
Móllate! é un programa de educación ambiental para a defensa dos océanos que se basea na participación para a acción da mocidade que participa nel. A través deste programa de educación ambiental o alumnado de Educación Secundaria (3º e 4º), Bacharelato e Ciclos Formativos participará dun xeito vivencial, crítico e lúdico no deseño e realización de accións de sensibilización que se desenvolverán sobre a problemática dos residuos nos océanos, e en especial coa Festa de San Xoán nas praias, o evento festivo da cidade con maior impacto ambiental.
O noso centro participa este curso no programa a través dos grupos de Volume de 1º de BAC da profesora Teba Argiz, aos que podedes ver nestas imaxes traballando na aula.
0 comentarios