O 28 de xaneiro os nosos alumnos/as de 3º e 4º de ESO desenvolveron a actividade complementaria:Tantas Cores como Afectos, trátase dun obradoiro afectivo emocional e sexual de tres horas de duración, enfocado para rapaces e rapazas de 14 a 16 anos.

Este obradoiro foi desenvolvido por educadores de AGASEX en colaboración co Departamento de Orientación do IES.

No trascurso da actividade o alumnado recibiu orientación e asesoramento sobre o tema, ademais de entregarlles folletos informativos acerca da prevención e saúde sexual, ademais de facilitarlles enderezos e teléfonos no caso de que precisen realizar algunha consulta deste tipo.