Así de ben o pasou o alumnado de 3º e 4º de ESO practicando deportes acuáticos, como o kayak na praia de Oza, na actividade organizada polo Departamento de Educación Física.

O alumnado de Bioloxía e Xeoloxía de 4º de ESO achegouse á praia viciña de San Amaro para facer limpeza, acompañados pola súa profesora Paula.

O alumnado de 1º de ESO e o seu profesor de Tecnoloxía, Avelino, ven de fabricar uns recipientes contedores moi sostibles, elaborados con materiais de refugallo que servirán para gardar materiais de escritorio ou o que se nos ocorra. Podémolos atopar en secretaría, conserxería, na sala de profesores e, tal como podedes ver na imaxe, na biblioteca, a onde o alumnado de 1º de ESO A se achegou a levalo. Moitas grazas, rapazada!

 O alumnado de 4º A volve a coidar o xardín esta primavera e aquí tedes as imaxes do ben que quedou:

Para reivindicar o papel da muller na sociedade e nas nosas vidas, o noso alumnado realizou unha serie de actividades que deron como resultado cadros e carteis e vídeos. O Equipo da Biblioteca organizou unha exposición na entrada do instituto para amosarvos todos estes traballos, e acompañounos dunha selección bibliográfica dos nosos fondos.

- A mostra "Mulleres como elas, mulleres como nós" recompila retratos de mulleres pintados polo alumnado de 2º de Bacharelato, en Técnicas de Expresión Gráfico-Plástica. Nela podemos ver a moitas mulleres moi importantísimas nas nosas vidas: nais, irmás, amigas, e mesmo autorretratos das propias alumnas, realizados en acrílico, tinta chinesa, grafito, cera...

- Na materia de Deseño de 2º de Bacharelato, coa súa profesora Beatriz López, o alumnado elaborou unha serie de carteis conmemorativos co obxectivo de seleccionar a nosa proposta para o Concurso da Secretaría Xeral de Igualdade da Xunta de Galicia. A esta proposta sumáronse tamén alumnas de 1º de Bacharelato Nuria, Raquel e Irene.

O 8 de xaneiro o noso alumnado de Ciencias de 4º da ESO e 2º de BAC tiveron a oportunidade de visitar a depuradora EDAR, en Bens, acompañados polas súas profesoras Marina e Lili. Deixámosvos con algunhas imaxes da actividade.

Unha das últimas actividades que levamos a cabo este curso foi a creación dun mural para as paredes do noso ximnasio. Comezou como una iniciativa de Teba Argiz que traballou María Álvarez coa colaboración de Pilar Castro, a profesora de Educación Física, con todos os alumnos que vos indicados ao final do artigo.

O deseño está inspirado nas obras do pintor e Keith Haring e creouse de xeito colectivo polo alumnado de Debuxo Artístico II de 2º BAC coa súa profesora e Vicedirectora María Álvarez.

Nas imaxes podedes ver algúns momentos do proceso de traballo da elaboración do mural. Non foi un traballo doado, pero o resultado, como podedes ver, convirte o espazo en moito máis noso, algo que sabedes que nos gusta moito no centro.

Grazas a todos os que participastes na súa elaboración, sobre todo á profesora María por encabezar o traballo!

1º ESO A: Xiana Pedreira, Carmela García, Joaquín Velasco, Elena Gómez, Mencía Iglesias

1º ESO B: Carla Gómez, Xiana Vázquez, Aitana Santamaría, Noa Pardiñas, Pablo Pérez, Alba Pérez

3º ESO A: Rebeca Moreno, June Roca, Sarah Domínguez, Leonor Vázquez 

4º ESO B: Mencía Fernández, Lucía Sesar, Hugo Fontenla, Fabiola Pascual 

1º BAC D: Víctor Chamorro,  Elena González,  Gloria Liñares, Henrique Pena, Marta Pose, Sofía Torres