O Proxecto Violeta regalounos este curso unha xornada de concienciación na igualdade dos sexos tinguida de violeta polas camisetas froito da colaboración do Equipo da Biblioteca e o cartel da alumna Alba López, de 2º BAC F.

Rematou do mellor xeito posible co concerto da nosa antiga alumna, Silvia Penide, acompañada por Carla López. Cantounos temas do seu último disco, e do proxecto que está levando a cabo con Carla, Feminino plural, leunos poemas, fíxonos cantar, deunos consellos para estar alegres e ata nos fixo dar voltas sobre nós mesmos...

Queremos agradecer á ANPA e ao Concello de A Coruña a posta en marcha e colaboración no proxecto. E a Silvia Penide por encher o centro de boa música e ganas de cambiar o mundo!