BREVE SITUACIÓN DO ENSINO.

Tras varios de Gobernos liberais do PP, os ataques aos servizos públicos foron constantes, pero o caso máis alarmante destes, recae na educación. O actual Goberno “socialista” continuou o proceso iniciado anos atrás, facendo unha vez máis, o ridículo.

Nos últimos tempos, e baixo todo tipo de cortinas de fume, introducíronse reformas educativas neoliberais, iniciadas co PP coa LOCE e a LFP e na actualidade, co continuísmo do PSOE coa vixente LOE. Procesos que privatizan, elitizan e deterioran cada vez máis o sistema público de educación, tendo este, unha simple visión mercantilista, dando un paso atrás no dereito universal a unha educación pública, democrática, gratuíta e de calidade
O ensino viuse gravemente atacado polas políticas desgaleguizadoras do PP e que agora, a Consellería de Educación, nas mans do PSOE, presentará o Decreto 124/2007, grazas as grandes mobilizacións estudantís, polo que se regula o uso e promoción do galego no sistema educativo. Pero que vemos como, pasados varios meses da vixencia deste mesmo, hai un incumprimento masivo na docencia oral en galego e tampouco hai interese ou vontade por parte desta Consellería para que se cumpra o Decreto
Alén disto, cabe resaltar como o Estado español está na cola de Europa en investimento educativo, e que cada vez é maior o fomento cara o adoutrinamento relixioso, que como non ía ser de outra maneira, está subvencionado con cartos públicos.
Vulnéranse tamén os dereitos fundamentais do alumnado, caso especial o de reunión, asociación e folga. Finalmente, os órganos de goberno e xestión escolar non aseguran unha representación estudantil paritaria cos demais sectores

---------------------------------

Pensas continuar así?
únete a nós e loita por un ensino mellor!

Comités Abertos de Estudantes