Hoxe compartimos con vós un proxecto que nos fai moita ilusión. Grazas ao empeño e o traballo da nosa compañeira María Díaz e á colaboración de moitos implicados, empezando polo equipo directivo do centro, alumnado e profesorado de distintos departamentos, unha zona do patio do instituto que estaba fóra de uso vaise convertir nun xardín para que o gocemos todos.

Arredor das pistas de deportes, contábamos cun espazo pechado duns 1600 m2 que non se atopaba acondicionado para o uso, debido á presenza de herbas altas e pedras e á ausencia de lugares onde sentarse.





O noso proxecto consiste en habilitar esta zona e contar cun lugar de esparcimento para o tempo de lecer, verde, cómodo e colorido. Nas distintas fases do proceso, iremos engadindo herbas e plantas sustentables e axeitadas ao entorno, mobiliario de exterior, decoraremos os muros que nos separan do recinto exterior.

Gustaríanos, sobre todo, que fosen os propios alumnos e alumnas os que colaboren na súa creación, baixo a dirección de profesores de distintas materias como Bioloxía, Educación Física, Matemáticas, idiomas, Fundamentos de Deseño, Volume... Recordemos que desde unha das materias do Bacharelato de Artes que impartimos, Fundamentos de Deseño trabállanse contidos de Deseño Ambiental.

O ano 2019 contamos cunha subvención de Voz Natura para comezar co proxecto e arrincamos coa primeira fase.



Iremos compartindo o desenvolvimento deste proxecto en sucesivas entradas do blog e tamén lle adicaremos un espazo na nosa web.