Volve o noso alumnado a amosar as súas palabras favoritas a través do debuxo no concurso-exposición organizado polo Equipo de Dinamización da Lingua Galega, en colaboración co da Biblioteca. 

Outra actividade coa que nos animaron a celebrar as nosas letras desde o EDLG e o departamento, foi o encontro coa escritora Eva Mejuto, que nos falou dos seus últimos libros. Podedes atopalos e levalos en préstamo na nosa biblioteca.

Seguimos compartindo imaxes das actividades organizadas nestas últimas semanas. Para celebrar as nosas letras, os departamentos de Lingua Galega e o Equipo de Dinamización da Lingua Galega, coa colaboración da Biblioteca, presentáronnos unha exposición sobre o escritor homenaxeado, Francisco Fernández del Riego. Ademáis, agasalláronnos con libros para levar ás nosas casas e compartiron con nós un boletín con información sobre o autor.

Este ano homenaxeamos a Rosalía de Castro no seu día tecendo os versos do seu poema "Tecín soia a miña tea" e compoñendo con eles estas atractivas obras que podedes ver na exposición da entrada do centro. Grazas a todos os que participastes, case todos os grupos do centro, e aos equipos de Dinamización da Lingua Galega e da Biblioteca por organizalo!

Hai uns días entregamos os premios aos marcadores elixidos este ano para representar o centro, en nome do Equipo de Dinamización da Lingua Galega, colaborando co da biblioteca. As autoras dos estupendos traballos que inclúen un lema e unha ilustración son Judith Bartolomé, na categoría de ESO e Elba Meléndrez, na categoría de Bacharelato. Moitos parabéns!