Presentación da nosa revista Mapoula

por IES Adormideras - 12.6.19

Estamos no ano 2019. Todos os IES de Galicia están ocupados polas Webs, Blogs e as Tics ....Todos? NON!!! Un pequeno IES poboado por irreductibles xornalistas galegos resiste aínda e sempre ao invasor dixital. A vida non é fácil para os nosos reporteiros e deseñadores, no seu campamento ao pé da Torre de Hércules coruñesa no que cada ano elaboran a revista en papel MAPOULA.

A comunidade educativa do IES Adormideras celebra cada ano a festa de presentación dun novo número da nosa revista da que todos estamos orgullosos. Festa para darlle visibilidade a tanto traballo que hai detrás de cada novo número e de cada novo curso escolar.

Grazas a todos pola vosa colaboración e esforzo. Quedamos para o próximo número?

Mentres, un moi bo verán.

Deixámosvos coas imaxes do día e un pequeno vídeo con algúns momentos para o recordo. Podedes tamén ver as imaxes neste enlace.